हिंदी सक्तीचा शासन निर्णय मागे घेतल्याचा आनंद फटाके फोडून, ढोल वाजवून, पेढे भरवून साजरा करण्यात आला*

मराठी माणसाच्या एकजुटी नंतर निघणाऱ्या मोर्चा चा धसका घेऊन राज्य सरकारने हिंदी सक्तीचे दोन्ही शासन निर्णय मागे घेतले. राजसाहेब ठाकरे यांनी या शासन निर्णया बाबत घेतलेली ठाम भूमिका निर्णायक ठरली. हे शासन निर्णय मागे घेणे हा मराठी भाषेसाठी आणि मराठी माणसासाठी मोठा विजय आहे. हा विजय मनसेने वाशी येथील छत्रपती शिवाजी महाराज चौक येथे साजरा केला. मनसे प्रवक्ते व शहर अध्यक्ष गजानन काळे यांच्या उपस्थितीत फटाके फोडून, ढोल वाजवून, एकमेकांना पेढे भरवून मनसे पदाधिकारी व महाराष्ट्र सैनिकांनी जल्लोष साजरा केला. या जल्लोषात मराठी माणसांनी सुद्धा आपला सहभाग नोंदवला. ढोल ताशाच्या तालावर नाचून मनसे पदाधिकाऱ्यांनी आपला आनंद साजरा केला. तर महिलांनी फुगडी घालून आपला आनंद व्यक्त केला. गजानन काळे यांनी उपस्थितांना मार्गदर्शन करताना"झुकल्या वाकल्या गर्विष्ठ माना... माझ्या माय मराठीच्या चरणी", "दिल्ली चे ही तख्त झुकवितो महाराष्ट्र माझा" असे म्हणत हा मराठी एकजुटीचा विजय असल्याचे म्हटले.

"मराठी भाषेचा विजय असो", "मराठी संस्कृतीचा विजय असो", "मराठी एकजुटीचा विजय असो" अशा घोषणा देऊन जल्लोष उत्सव साजरा करण्यात आला. हा जल्लोष मनसे प्रवक्ते व शहर अध्यक्ष गजानन काळे, उपशहरअध्यक्ष सविनय म्हात्रे, शहर सचिव सचिन कदम, शहर सहसचिव अभिजीत देसाई, महिला सेना शहर अध्यक्ष डॉ. आरती धुमाळ, उप शहर अध्यक्ष अनिथा नायडू, दीपाली ढऊळ, सोनिया धानके, शहर सचिव यशोदा खेडसकर, विद्यार्थी सेना शहर अध्यक्ष संदेश डोंगरे, रोजगार शहर अध्यक्ष सनप्रीत तुर्मेकर, चित्रपट सेना शहर अध्यक्ष अनिकेत पाटील, मनसे विभाग अध्यक्ष अक्षय भोसले, भूषण कोळी, सागर विचारे, चंद्रकांत मंजुळकर, श्याम ढमाले, नितीन नाईक, योगेश शेटे, उमेश गायकवाड, विभाग सचिव संदेश खांबे, उप विभागअध्यक्ष, विनोद लांडगे, शाखाअध्यक्ष प्रणित डोंगरे, चेतन कराळे, शैलेश पांजगे, वाहतूक सेना चिटणीस विष्णू कांबळे, कृष्णा कांबळे, विद्यार्थी सेना शहर सह सचिव विपुल पाटील, मधुर कोळी, महिला विभाग अध्यक्ष संगीता वंजारी रागिणी खामकर, विदया इनामदार, शीतल दळवी, इतर मनसे पदाधिकारी, अंगीकृत संघटनांचे पदाधिकारी, महाराष्ट्र सैनिक, स्थानिक मराठी माणूस यांनी मिळून साजरा केला.