‘त्या’ आरोपींच्या जामिनाला तीव्र विरोध
अश्विनी बिद्रे हत्याकांड ; पुढील सुनावणी 2 जून रोजी
पनवेल : अश्विनी बिद्रे हत्याकांडातील आरोपींनी उच्च- न्यायालयाच्या कोरोना गाईडलाईनप्रमाणे जामीन मिळावा म्हणून अर्ज केला आहे. या अर्जाला विशेष सरकारी वकील प्रदीप घरत यांनी जोरदार आक्षेप घेतला आहे. सोमवारी पनवेल सत्र न्यायालयात याबाबत युक्तिवाद करण्यात आला.
अश्विनी बिद्रे हत्याकांडातील खटल्याची सध्या सुनावणी सुरू असून आतापर्यंत 12 साक्षीदार तपासले गेले आहेत. या प्रकरणातील बडतर्फ वरिष्ठ पोलीस निरीक्षक अभय कुरुंदकर, माजी मंत्री एकनाथ खडसे यांचा भाचा राजू पाटील ऊर्फ ज्ञानदेव पाटील, महेश फळणीकर, कुंदन भंडारी यांनी जामीनासाठी अर्ज केला आहे. जर आरोपींना जामीन दिला तर खटल्यावर विपरीत परिणाम होईल असा युक्तिवाद सरकारी वकील घरत यांनी केला. उच्च न्यायालयाच्या कोरोना गाईडलाईनप्रमाणेसुद्धा आरोपी जामिनासाठी पात्र नाहीत, कारण यांनी केलेला गुन्हा खूप गंभीर असल्याने या गुन्ह्याला फाशीची शिक्षा होऊ शकते असे मत वकील प्रदीप घरत यांनी मांडले. हा खटला हा व्हिडिओ कॉन्फरन्सद्वारे चालवून साक्षीदार तपासले जावेत अशी मागणी गेल्या सुनावणीला विशेष सरकारी वकील प्रदीप घरत यांनी लेखी स्वरूपात केली होती. यावर आरोपीच्या वतीने व्हिडिओ कॉन्फरन्सद्वारे खटल्याची सुनावणी घेण्यास कोणतीही हरकत नसल्याचे सांगितले. न्यायमूर्ती माधुरी आनंद यांनी दोन्हीकडील म्हणणे ऐकल्यावर जामिनावर निर्णय पुढील सुनावणीदरम्यान घेण्यात येईल असे सांगितले. पुढील सुनावणी 2 जून रोजी ठेवण्यात आली आहे.
संबंधित पोस्ट
वेबसाइट पोल
विशेष:
आम्हाला फॉलो करा
सब्सक्राइब करा न्यूज़लेटर
SUBSCRIBE US TO GET NEWS IN MAILBOX
फोटो गैलरी
वेअथेर रिपोर्ट
लाइव क्रिकेट स्कोर
शेअर मार्केट
© 2026 The Global Times | Powered By by Sysmarche Infotech
रिपोर्टर
Our news reporter is a dedicated professional with a sharp eye for detail and accuracy. Specializing in breaking news and local affairs, they bring trusted updates daily with clarity and speed. With years of experience on the field, their reporting is both insightful and reliable. Known for ethical journalism, they ensure every story is verified before it reaches you.
The Global Times